માધવ મેજિક બ્લોગ

એક નાનકડો પ્રયાસ.

Archive for ફેબ્રુવારી 2011

વર્લ્ડકપ અને જાહેરાત – ૨

with 3 comments

વર્લ્ડકપ શરુ થયો તે પહેલા ની પોસ્ટ માં જણાવ્યું તેમ વર્લ્ડકપ સાથે સાથે જાહેરાતો નો પણ વર્લ્ડકપ શરુ થઇ ગયો છે. આ પહેલા આપણે પેપ્સી ની થોડી જાહેરાતો જોઈ હતી……
……હવે તેની નવી આવેલી જાહેરાતો જોઈએ.

ભારત ના વિસ્ફોટક બેટ્સમેન વીરેન્દ્ર સેહવાગ ની “ઉપર કટ” જાહેરાત.

શ્રીલંકા ના ફાસ્ટ બોલર લસિથ મલીંગા ની અલગ બોલિંગ એક્શન પર ની અને તેના યોર્કર “સ્લીન્ગા” જાહેરાત.

હવે તો બાકી હતું તો ક્રિકેટ જગત ના અમ્પાયર બીલી બોડન જે તેની અલગ અલગ રમુજી અંદાઝ ના કારણે લોકલાડીલા છે તેની આઉટ આપવા ની અલગ સ્ટાઈલ “ટેડી ઉંગલી” જાહેરાત.

હજી વોડાફોન ની ઝૂ ઝૂ જાહેરાત આખી આવતી નથી જોઈએ આગળ તે લોકો શું નવીન લઇ આવે છે.

વિજયી શરૂઆત

leave a comment »

મિત્રો વર્લ્ડકપ ની સાથે સાથે થોડું કામ પણ વધારે આવી ગયું હતું કંપની માં એટલે હમણા પોસ્ટ લખવાનો સમય નહોતો મળ્યો, આજે ઓસ્ટ્રેલીયા અને ઝીમ્બાબ્વે ની મેચ પત્યા પછી થયું કે ચાલ ને હવે એક પોસ્ટ લખી જ નાખીએ. ક્રિકેટ રસિક ખરા ને એટલે પોસ્ટ લખ્યા વગર ના ચાલે.
સૌ પ્રથમ તો ભારત-બાંગ્લાદેશ ની મેચ માં ભારતે વિજયી પ્રારંભ કર્યો અને તેમાં પણ સેહવાગ ની વિસ્ફોટક બેટિંગ અને સાથે કોહલી નો સંગાથ, આમ જોવા જઈએ તો પ્રથમ મેચ માં બેટિંગ ક્ષેત્રે ખુબ સરસ દેખાવ રહ્યો ભારત નો અને બોલિંગ માં થોડી જલ્દી વિકેટો પાડવા માં સફળતા નહોતી મળી પણ પછી સ્પિનરો દ્વારા સારી બોલિંગ થી ભારત આ મેચ જીતી તો ગયું. શ્રીસંથ ની બોલિંગ માં કાઈ ખાસ દમ જણાતો નહોતો એવું લાગે છે તેની જગ્યાએ આશિષ નેહરા અથવા વધારે એક સ્પિનર ચાવલા કે અશ્વિન ને રમાડવા જોઈએ. અને હજી એક મુંઝવતો પ્રશ્ન એ પણ હશે કે યુવરાજ, રૈના અને કોહલી માંથી ક્યાં બે ખેલાડી ને રમાડવા. 😦

બીજી મેચ ન્યુઝીલેન્ડ-કેન્યા તો એક તરફી જ થઇ ગઈ હતી કેન્યા ને સસ્તા માં ઓલ-આઉટ કરી ને ન્યુઝીલેન્ડે દસ વિકેટે વિજય મેળવ્યો, ઓરમ અને સાઉથી અસરકારક બોલર રહ્યા. અફસોસ કે ન્યુઝીલેન્ડ નો પહેલો દાવ નહોતો નહીતર મેક્યુલુંમ ની રમઝટ જોવા મળેત. 😆

ત્રીજી મેચ શ્રીલંકા-કેનેડા ફરી એક વાર રન ના ખડકલાવાળી બની પહેલી બેટિંગ માં જયવર્ધને ની સદી , દિલશાન અને સંગક્કારા ની અડધી સદી અને પછી બોલિંગ માં કુલાસેકરા અને પરેરા ના તરખાટ સામે કેનેડા ની ટીમ પડી ભાંગી હતી. આ વર્લ્ડકપ માટે શ્રીલંકા ની ટીમ ને અવગણી ના શકાય અને તેમાં પર સેમી-ફાઈનલ માં ઘર-આંગણા નું મેદાન એટલે આ ટીમ ભારે પડી શકે તેમ છે.

આજની ચોથી મેચ ઓસ્ટ્રેલીયા-ઝીમ્બાબ્વે આગળ ની ત્રણ કરતા થોડી સારી કહી શકાય કેમકે ઝીમ્બાબ્વે જેવી ટીમે સતત ત્રણ વખત ના વર્લ્ડ ચેમ્પિયન ઓસ્ટ્રેલીયા ને એક નાના સ્કોર સુધી સીમિત રાખ્યું, ઓસ્ટ્રેલીયા ની બેટિંગ લાઈન માઈક હસ્સી વગર નબળી પડતી હોય તેમ જણાય છે પણ ઓસ્ટ્રેલીયા નું કાઈ ના કહી શકાય, ઝીમ્બાબ્વે ના બેટ્સમેનો દ્વારા પણ સારી લડત મળતા આ મેચ થોડી લાંબી ચાલી પણ આખરે જોહ્ન્સન ની વેધક બોલિંગ સામે કેટલુક રમે…. આગળ જતા ઝીમ્બાબ્વે ની ટીમ અપસેટ કરી શકે છે.

ધોની ની ધમાલ

with 2 comments

ગઈકાલે ભારત ની બીજી વોર્મ-અપ મેચ ન્યુઝીલેન્ડ સામે હતી ચેન્નાઈ નું ચેપોક સ્ટેડીયમ એકદમ ખીચોખીચ ભરેલું હતું અને ફરી એકવાર ભારત ના કપ્તાન ધોનીએ ટોસ જીતી ને બેટિંગ લેવાનું નક્કી કર્યું.
ઓપનીંગ માં સેહવાગ-સચિન ની જોડી હતી, શરૂઆત માધ્યમ કહી શકાય તેમ હતી હજી તો ૫૦ રન પણ નહોતા થયા ત્યાં સચિન અને સેહવાગ બંને આઉટ થઇ ગયા હવે ફરી એકવાર મિડલ-ઓર્ડર ને સંભાળવા નો સમય આવ્યો. અને આ વખતે ફરી એજ જોડી જેણે આગળની ન્યુઝીલેન્ડ સામેની સીરીઝ માં સારી ભાગીદારી દ્વારા રન બનાવ્યા હતા તે ગૌતમ ગંભીર અને વિરાટ કોહલી ની આક્રમકતા સાથે સમજદારીપૂર્વક ની રમત ને કારણે જયારે કોહલી ૫૯ રન બનાવી ને આઉટ થયો ત્યારે ભારત વિનિંગ સીટ પર આવી ગયું હોય તેમ લાગતું હતું.

વિરાટ કોહલી

ગૌતમ ગંભીર

ત્યારબાદ ગંભીર અને ધોની ની જોડી જામી પડી અને ધોની તો આવતાની સાથે જ આજે કઈક કરી બતાવાના મૂડ માં હોય તેમ લાગતું હતું. ઘણા સમય થી પીચ પર ઉભેલો ગંભીર ત્યારબાદ ૮૯ રન બનાવી ને આઉટ થયો.
હવે આવ્યો વારો સુરેશ રૈના નો જેણે ધોની સાથે જોડી જમાંવાની હતી અને ઓવરો ઓછી બચી હતી એટલે આ સમય હતો મારા-મારી નો,ચોક્કા છક્કા ના વરસાદ નો અને તેની શરૂઆત પણ થઇ ધોનીએ વૂડકોક ની એક ઓવર માં ત્રણ ચોક્કા માર્યા અને ત્યારબાદ રૈનાએ પણ એક ચોક્કો મારી પડતા પર પાટું મારે તેમ વૂડકોક ની એવરેજ બગાડી નાખી.
અને ત્યારબાદ તરત જ બીજી ઓવર માં જેકોબ ઓરમ ની ઓવર માં રૈનાએ ત્રણ સિક્સર ફટકારતા હવે એ વાત નિશ્વિત થઇ ગઈ કે રન નો ખડકલો ઉંચો ને ઉંચો જવાનો છે.

 

સુરેશ રૈના

અને જયારે રૈના આઉટ થયો ત્યારે તો ભારત ની સ્થિતિ ઘણી સારી બની ગઈ હતી.
અને ત્યારબાદ બેટિંગ માં આવેલા યુસુફભાઈ માટે ફક્ત 2 ઓવર બાકી હતી.
ખાસ માણવાલાયક હોય તો આજકાલ યુસુફભાઈ નો જમાનો આવ્યો છે અને જે બેનર “બૂમ બૂમ અફ્રીદી” પાકિસ્તાન ના વિસ્ફોટક બેટ્સમેન શાહિદ અફ્રીદી માટે  વપરાતું તે બદલી ને “બૂમ બૂમ યુસુફ” જોવા મળતા હતા અને ધોની ના દરેક શોટ પર પબ્લિક નો દેકારો આ બંને વસ્તુએ મેચ ને રોમાંચક બનાવી હતી.

 

ધોની

૫૦ ઓવર ના અંતે ભારતે ૩૬૦ નો જંગી સ્કોર બનાવ્યો તેમાં ધોની ના અણનમ ૧૦૮ રન મુખ્ય હતા.
હવે ફરી એક વાર ભારત ની બોલિંગ નો વારો અને આ વખતે અગલી મેચ કરતા તદ્દન ઉલટી પરિસ્થિતિ હતી અગલી મેચ માં એક નાના સ્કોર ને
પાર પાડતો અટકાવવાનો હતો તો આ વખતે આરામ થી બોલિંગ કરી શકાય તેમ હતું.
ન્યુઝીલેન્ડ ની શરૂઆત ખુબ જ સારી કહી શકાય તેમ હતી ગુપટીલ અને બ્રાન્ડોન મેક્ક્યુલુંમ સારી એવી ભાગીદારી બનાવી રહ્યા હતા અને આપણા ફાસ્ટ બોલરો શ્રીસંથ,નેહરા અને મુનાફ પટેલ નો કાઈ ગજ વાગતો નહોતો અને જરૂર હતી વિકેટ ની.

 

બ્રાન્ડોન મેક્કુલુંમ

હવે ધોની ને પણ સ્પિનર ને ઓવર આપવી પડે તેમ હતી અને વિકેટ ની શરૂઆત કરાવી આર.અશ્વિને માર્ટીન ગુપટીલ ને આઉટ કરીને. પછી તો રૈના દ્વારા એક સીધા થ્રો માં મેક્ક્યુલુંમ આઉટ થયો અને ત્યાર બાદ ચાવલા, યુવરાજ ના સ્પીન અને હરભજનના દુસરા ના તરખાટ સામે ન્યુઝીલેન્ડ ની ટીમ પડી ભાંગી. બ્રાન્ડોન મેક્ક્યુલુંમ ના ભાઈ નાથન મેક્ક્યુલુંમે ૨૯ રન બનાવી થોડી લડત આપવાની કોશિશ કરેલી પણ નેહરાએ વૂડકોક અને મિલ્સ ને વારાફરતી બે ઓવર  બોલ્ડ કરી ને ભારત ને ૧૧૭ રન થી જીત અપાવી.

 

અશ્વિન


અત્યારે તો પ્રેક્ટીસ મેચ હોવાથી ૧૫ ખેલાડી ને એક મેચ માં રમવાનો મોકો મળે છે પણ હવે પછી ના રાઉન્ડ માં દરેક દેશે એક સંતુલિત ટીમ બનાવી ને ઉતારવી પડશે જેના માટે બેટ્સમેન,ઓલ-રાઉન્ડર,બોલર ને યોગ્ય રીતે પસંદ કરવા પડશે.
તમારા અંદાજ મુજબ ભારત ની અંતિમ ૧૧ માં ક્યાં ક્યાં ખેલાડીઓ હોવા જોઈએ?

Written by Harshad / Madhav

ફેબ્રુવારી 16, 2011 at 8:32 પી એમ(pm)

Posted in અનાથ

વર્લ્ડકપ અને જાહેરાત

with 4 comments

વર્લ્ડકપ આવે એટલે એડ એજન્સીવાળાઓ ને પણ સારું એવું કામ નીકળી આવે અને તેમાં પણ હરીફાઈ જામી પડે છે કે કોની જાહેરાત માં વધારે દમ હોય અને પ્રેક્ષકો ને પસંદ પણ આવે. ગયા વર્ષે યાદ હોય તો વોડાફોન ના ઝૂ ઝૂ એ માર્કેટ જમાવેલું.


આ વખતે પણ વર્લ્ડકપ ઘણી બધી કંપનીઓ ની નવી નવી મનોરંજક જાહેરાત જોવા મળશે. અને તેની શરૂઆત પેપ્સીવાળાએ તો કરી પણ દીધી છે. અલગ અલગ ખેલાડીઓ ના ટ્રેડમાર્ક શોટ અથવા બોલિંગ ખાસિયતો ને તેમને એક અલગ સ્વરૂપ માં રજુ કરી છે.
1)સૌ પ્રથમ તો ભારત ના કેપ્ટન મહેન્દ્રસિંહ ધોની જેના કારણે બહુત લોકપ્રિય થયો હતો તેવા હેલીકોપ્ટર શોટ ની જાહેરાત. (અત્યારે તો ક્યારેક ક્યારેક જ આ શોટ જોવા મળે છે, આશા રાખીએ કે ધોની આ વખતે આવા શોટ થી ધમાલ મચાવે.)

2)ત્યાર બાદ અમિતાભ જેવા એન્ગ્રી યંગમેન હરભજનસિંહ જેમાં પાવરધો છે તેવો દુસરા બોલ ની જાહેરાત. (આ વખતે પહેલીજ વાર માં જો દુસરા કામ લાગી ગયા તો આપનું કામ થઇ ગયું સમજો.)

3)અને હવે ઇંગ્લેન્ડ ના બેટ્સમેન કેવિન પીટરસન જે બેટિંગ સ્ટાઈલ ફેરવવા ને કારણે વિવાદ માં આવ્યો હતો તેની જાહેરાત પલ્ટી હીટ.(ભારત બધા દેશો ને પલ્ટી મરાવીને વર્લ્ડકપ જીતી લાવે તેવી શુભેશ્છા)