માધવ મેજિક બ્લોગ

એક નાનકડો પ્રયાસ.

Archive for the ‘રમત-ગમત’ Category

વર્લ્ડકપ અને જાહેરાત – ૨

with 3 comments

વર્લ્ડકપ શરુ થયો તે પહેલા ની પોસ્ટ માં જણાવ્યું તેમ વર્લ્ડકપ સાથે સાથે જાહેરાતો નો પણ વર્લ્ડકપ શરુ થઇ ગયો છે. આ પહેલા આપણે પેપ્સી ની થોડી જાહેરાતો જોઈ હતી……
……હવે તેની નવી આવેલી જાહેરાતો જોઈએ.

ભારત ના વિસ્ફોટક બેટ્સમેન વીરેન્દ્ર સેહવાગ ની “ઉપર કટ” જાહેરાત.

શ્રીલંકા ના ફાસ્ટ બોલર લસિથ મલીંગા ની અલગ બોલિંગ એક્શન પર ની અને તેના યોર્કર “સ્લીન્ગા” જાહેરાત.

હવે તો બાકી હતું તો ક્રિકેટ જગત ના અમ્પાયર બીલી બોડન જે તેની અલગ અલગ રમુજી અંદાઝ ના કારણે લોકલાડીલા છે તેની આઉટ આપવા ની અલગ સ્ટાઈલ “ટેડી ઉંગલી” જાહેરાત.

હજી વોડાફોન ની ઝૂ ઝૂ જાહેરાત આખી આવતી નથી જોઈએ આગળ તે લોકો શું નવીન લઇ આવે છે.

Advertisements

વિજયી શરૂઆત

leave a comment »

મિત્રો વર્લ્ડકપ ની સાથે સાથે થોડું કામ પણ વધારે આવી ગયું હતું કંપની માં એટલે હમણા પોસ્ટ લખવાનો સમય નહોતો મળ્યો, આજે ઓસ્ટ્રેલીયા અને ઝીમ્બાબ્વે ની મેચ પત્યા પછી થયું કે ચાલ ને હવે એક પોસ્ટ લખી જ નાખીએ. ક્રિકેટ રસિક ખરા ને એટલે પોસ્ટ લખ્યા વગર ના ચાલે.
સૌ પ્રથમ તો ભારત-બાંગ્લાદેશ ની મેચ માં ભારતે વિજયી પ્રારંભ કર્યો અને તેમાં પણ સેહવાગ ની વિસ્ફોટક બેટિંગ અને સાથે કોહલી નો સંગાથ, આમ જોવા જઈએ તો પ્રથમ મેચ માં બેટિંગ ક્ષેત્રે ખુબ સરસ દેખાવ રહ્યો ભારત નો અને બોલિંગ માં થોડી જલ્દી વિકેટો પાડવા માં સફળતા નહોતી મળી પણ પછી સ્પિનરો દ્વારા સારી બોલિંગ થી ભારત આ મેચ જીતી તો ગયું. શ્રીસંથ ની બોલિંગ માં કાઈ ખાસ દમ જણાતો નહોતો એવું લાગે છે તેની જગ્યાએ આશિષ નેહરા અથવા વધારે એક સ્પિનર ચાવલા કે અશ્વિન ને રમાડવા જોઈએ. અને હજી એક મુંઝવતો પ્રશ્ન એ પણ હશે કે યુવરાજ, રૈના અને કોહલી માંથી ક્યાં બે ખેલાડી ને રમાડવા. 😦

બીજી મેચ ન્યુઝીલેન્ડ-કેન્યા તો એક તરફી જ થઇ ગઈ હતી કેન્યા ને સસ્તા માં ઓલ-આઉટ કરી ને ન્યુઝીલેન્ડે દસ વિકેટે વિજય મેળવ્યો, ઓરમ અને સાઉથી અસરકારક બોલર રહ્યા. અફસોસ કે ન્યુઝીલેન્ડ નો પહેલો દાવ નહોતો નહીતર મેક્યુલુંમ ની રમઝટ જોવા મળેત. 😆

ત્રીજી મેચ શ્રીલંકા-કેનેડા ફરી એક વાર રન ના ખડકલાવાળી બની પહેલી બેટિંગ માં જયવર્ધને ની સદી , દિલશાન અને સંગક્કારા ની અડધી સદી અને પછી બોલિંગ માં કુલાસેકરા અને પરેરા ના તરખાટ સામે કેનેડા ની ટીમ પડી ભાંગી હતી. આ વર્લ્ડકપ માટે શ્રીલંકા ની ટીમ ને અવગણી ના શકાય અને તેમાં પર સેમી-ફાઈનલ માં ઘર-આંગણા નું મેદાન એટલે આ ટીમ ભારે પડી શકે તેમ છે.

આજની ચોથી મેચ ઓસ્ટ્રેલીયા-ઝીમ્બાબ્વે આગળ ની ત્રણ કરતા થોડી સારી કહી શકાય કેમકે ઝીમ્બાબ્વે જેવી ટીમે સતત ત્રણ વખત ના વર્લ્ડ ચેમ્પિયન ઓસ્ટ્રેલીયા ને એક નાના સ્કોર સુધી સીમિત રાખ્યું, ઓસ્ટ્રેલીયા ની બેટિંગ લાઈન માઈક હસ્સી વગર નબળી પડતી હોય તેમ જણાય છે પણ ઓસ્ટ્રેલીયા નું કાઈ ના કહી શકાય, ઝીમ્બાબ્વે ના બેટ્સમેનો દ્વારા પણ સારી લડત મળતા આ મેચ થોડી લાંબી ચાલી પણ આખરે જોહ્ન્સન ની વેધક બોલિંગ સામે કેટલુક રમે…. આગળ જતા ઝીમ્બાબ્વે ની ટીમ અપસેટ કરી શકે છે.

વર્લ્ડકપ અને જાહેરાત

with 4 comments

વર્લ્ડકપ આવે એટલે એડ એજન્સીવાળાઓ ને પણ સારું એવું કામ નીકળી આવે અને તેમાં પણ હરીફાઈ જામી પડે છે કે કોની જાહેરાત માં વધારે દમ હોય અને પ્રેક્ષકો ને પસંદ પણ આવે. ગયા વર્ષે યાદ હોય તો વોડાફોન ના ઝૂ ઝૂ એ માર્કેટ જમાવેલું.


આ વખતે પણ વર્લ્ડકપ ઘણી બધી કંપનીઓ ની નવી નવી મનોરંજક જાહેરાત જોવા મળશે. અને તેની શરૂઆત પેપ્સીવાળાએ તો કરી પણ દીધી છે. અલગ અલગ ખેલાડીઓ ના ટ્રેડમાર્ક શોટ અથવા બોલિંગ ખાસિયતો ને તેમને એક અલગ સ્વરૂપ માં રજુ કરી છે.
1)સૌ પ્રથમ તો ભારત ના કેપ્ટન મહેન્દ્રસિંહ ધોની જેના કારણે બહુત લોકપ્રિય થયો હતો તેવા હેલીકોપ્ટર શોટ ની જાહેરાત. (અત્યારે તો ક્યારેક ક્યારેક જ આ શોટ જોવા મળે છે, આશા રાખીએ કે ધોની આ વખતે આવા શોટ થી ધમાલ મચાવે.)

2)ત્યાર બાદ અમિતાભ જેવા એન્ગ્રી યંગમેન હરભજનસિંહ જેમાં પાવરધો છે તેવો દુસરા બોલ ની જાહેરાત. (આ વખતે પહેલીજ વાર માં જો દુસરા કામ લાગી ગયા તો આપનું કામ થઇ ગયું સમજો.)

3)અને હવે ઇંગ્લેન્ડ ના બેટ્સમેન કેવિન પીટરસન જે બેટિંગ સ્ટાઈલ ફેરવવા ને કારણે વિવાદ માં આવ્યો હતો તેની જાહેરાત પલ્ટી હીટ.(ભારત બધા દેશો ને પલ્ટી મરાવીને વર્લ્ડકપ જીતી લાવે તેવી શુભેશ્છા)


શુભારંભ

with 10 comments

હવે ક્રિકેટ વર્લ્ડકપ આડે ફક્ત ૫ દિવસ બાકી રહ્યા છે અને વોર્મ-અપ મેચ તો શરુ પણ થઇ ગઈ છે. ચારેબાજુ હવે ક્રિકેટ-ક્રિકેટ થઇ જવાનું છે અને ગઈ કાલે ભારત-ઓસ્ટ્રેલિયા ની વોર્મ-અપ મેચ માં ભારતે જીતવાના શ્રીગણેશ પણ કરી દીધા અને સાથે સાથે એ પણ સાબિત કરી આપ્યું કે ભારત એમ આસાની થી જીતી જવામાં નથી માનતું તમને દરેક મેચ માં દિલધડક વળાંક જોવા મળશે.

 

સેહવાગ ૫૦ રન કર્યા બાદ

ગઈ કાલ ની મેચ માં શરૂઆત તો ઠીક ઠીક કહી શકાય તેમ રહી અને જેનાથી આજે ક્રિકેટ રમતા દરેક દેશ ફફડી જાય છે તે વીરેન્દ્ર સેહવાગ અને વિરાટ કોહલી દ્વારા થોડી સારી પાર્ટનરશીપ થી સારી સ્થિતિ માં આવ્યું.
ત્યાર બાદ તો જાને “હીટ” સ્પ્રે થી વંદા મારતા હોય તેમ ફટાફટ વિકેટો ઉડવા લાગી અને લાગ્યું કે હવે ભારતે ભોપાળું વાળ્યું અને ૨-૩ મિત્રો ના તો SMS પણ આવી ગયા કે ઓસ્ટ્રેલિયા એ ભારત ના ભૂંડા-હાલ કર્યા છે.
ફરી એક વાર યુસુફ પઠાણે મેચ પોતાના હાથ માં લીધી પણ આ વખતે તેનો દેખાવ અલગ હતો તડાફડી ને બદલે એકદમ શાંતિથી વિકેટ બચાવી ને ભારત ની ઇનિંગ ને સ્થિરતા આપી અને તેનો સાથ નવા સ્પિનર આર.અશ્વિને ખુબ સરસ રીતે આપ્યો (અશ્વિન એક સારો બેટ્સમેન પણ છે).

 

બ્રેટ લી

અને અંતિમ વિકેટો માં જો કઈ ખાસ નવીન લાગ્યું હોય તો આશિષભાઈ નેહરા ની બેટિંગ, આમતો નેહરાભાઈ ને ૧૦ બોલ રમતા પણ ફાંફા પડી જાય છે (એકલો નેહરા જ નહિ ભારત ના તમામ પૂંછડીયા ખેલાડી) તેણે પુરા ૨૪ બોલ માં ૧૯ રન બનાવી ને સારો ફાળો આપ્યો. બ્રેટ લીએ ૩ વિકેટ લઇ ને સાબિત કરી આપ્યું કે તે હજી મેચ-વિનર બોલર છે.

આમ તો બેંગ્લોર ની પીચ સ્પિનર માટે જ બનાવવા માં આવી હતી અને તેના કારણે જ પહેલી ઇનિંગ માં ૨૧૪ જેટલો ઓછો સ્કોર થયો.
હવે સમય હતો ભારત માટે કૈક કરી બતાવવાનો કે આપના બોલરો પણ ફોર્મ માં છે અને જો બેટ્સમેન ના ચાલે તો બોલિંગ થી પણ મેચ જીતાવી શકે છે.

 

રિકી પોન્ટિંગ

ઓસ્ટ્રેલિયા ની શરૂઆત ખુબ સરસ હતી ઓપનીંગ બેટ્સમેન વોટસન અને કીપર પેઇને સારી પાર્ટનરશીપ કરી અને સાથે પોન્ટિંગ પણ એક છેડા પર ઉભો હતો પણ ભારત તરફ આ મેચ ત્યારે વળી જયારે ધોનીએ સ્પિનર પીયુષ ચાવલા ને ઓવર આપી ચાવલા એ ફટાફટ ૩ વિકેટ લેતા હવે ઓસ્ટ્રેલિયા ની હાલત થોડી બગડી અને ભારત ને આશા નું કિરણ દેખાયું.

 

પીયુષ ચાવલા

પછી તો સતત સ્પિનરો નો મારો ચાલુ રહ્યો અશ્વિન,ચાવલા,અને યુવરાજ ની બોલિંગ સામે ઓસ્ટ્રેલિયા ના રન આગળ વધી નહોતા શકતા અને ત્યાં જ હરભજને પોન્ટિંગ ને આઉટ કરતા હવે ભારત ની જીત નિશ્વિત લગતી હતી અને છેલ્લે ૧૭૬ માં તો ઓસ્ટ્રેલિયા સમેટાઈ જતા ભારત ની જીત નો શુભારંભ થયો.
આશા રાખીએ કે ભારત હવે ખાલી ટોસ જીતવા,સેહવાગ અને યુસુફ પર આધાર ના રાખતા એક સારી ટીમ ની રીતે રમે તો જ આ વર્લ્ડકપ જીતી શકાશે.
ચાવલા,અશ્વિન અને હરભજન માંથી ક્યાં ૨ સ્પિનર ને રમાડવા તે સિલેક્ટરો માટે જરા અઘરું બનશે.

Image:- Cricinfo

આવી ક્રિકેટ ની મોસમ

with 8 comments

મિત્રો થોડા સમય પહેલા મેં એક બ્લોગ દ્વારા આ રમત ની શરૂઆત કરી હતી(ભારત-આફ્રિકા), બ્લોગ ની શરૂઆત ના દિવસો માં પ્રતિભાવો પણ સારો હતો અને ૬-૭ મિત્રોએ તેમની ટીમ પણ મોકલાવેલી પણ પછી કોઈ કારણોસર તેમાં વધારે પોસ્ટ થઇ શકાતી નહતી તેનાથી ભારત-આફ્રિકા ની પછી ની મેચ નું પરિણામ નહોતો મૂકી શક્યો તો ત્યારે થયેલી તકલીફો બદલ ક્ષમા કરશો.
પણ હવે આ વખતે જયારે ક્રિકેટ વર્ડકપ એશિયા માં જ રમાઈ રહ્યો છે અને હવે તેના આડે ગણતરી ના દિવસો બાકી રહ્યા છે. ત્યારે મારા એક મિત્ર ને મેં આ રમત બાબતે વાત કરતા તેની સહાય થી આ ફેન્ટસી રમત ફરી થી ચાલુ કરી છે અને મને આશા છે કે આ રમત ક્રિકેટ પ્રેમીઓ ને ખુબ જ પસંદ આવશે.
તો આ રમત માં તમારે તમારી પોતાની ૧૫ ખેલાડી ની ટીમ બનાવવાની છે અને જે રીતે ખેલાડી રન બનાવશે, વિકેટ લેશે,કે પછી રન-આઉટ કે કેચ કરશે તેનાથી તમારા પોઈન્ટસ વધતા જશે બસ જેની ટીમ વધારે પોઈન્ટ્સ બનાવશે તેની ટીમ વિજેતા.
તો હવે કોની રાહ જોઈ રહ્યા છો? ચાલો ફટાફટ મુલાકાત લો આ બ્લોગ ની અને મોકલી આપો તમારી ટીમ અને કહી દો કે “Always Cricket First”


નોંધ: કોઈ ને આ રમત માં સ્વયંસેવક તરીકે સેવા આપવી હોય તો મને મેઈલ કરશો.(કામ માં તો કઈ ખાસ નથી સ્કોર અપડેટ અને થોડું મોડરેશન કરવાનું થાય.)

Written by Harshad / Madhav

ફેબ્રુવારી 10, 2011 at 6:55 એ એમ (am)

નાસિક(અંબાડ) ની મુલાકાત

with 10 comments

થોડા દિવસો પહેલા મારે કંપની ના એક પ્રોજેક્ટ માટે થઇ ને નાસિક જવાનું થયેલું. આમ તો મારે ગુજરાત બહાર જવાનું બહુ  થયું નથી અને આ મને યાદ છે ત્યાં મુજબ ૩જી કે ૪થી વખત હશે.
આગળ ના ૨ દિવસ માં પુરતો આરામ થયો ના હતો અને બરાબર ઊંઘી પણ નહોતો શક્યો ત્યાં વળી નાસિક જવાનું થયું.

આમ ખુશી સાથે થોડી કંટાળાજનક લાગણીઓ સાથે નાસિક જવાનું નક્કી થયું અને આ બધું અચાનક થયું હોવાથી ફટાફટ જે ટ્રાવેલ્સ માં મળે તેમાં ટીકીટ બુક કરાવેલી એટલે એક ખટારા છાપ બસ ની ટીકીટ મળી હતી હવે જ ખરો સંઘર્ષ શરુ થવાનો હતો. હજી આ દુઃખદાયક સફર માં વધારો થવાનો હોય તેમ જયારે અમે ટ્રાવેલ્સ ની ઓફીસ માં પહોચ્યા તો ભારત-આફ્રિકા વચ્ચે ની છેલ્લી અને ત્રીજી મેચ ચાલુ હતી આમતો હવે ભારત ને જીતવાની કોઈ આશા નહોતી પણ યુસુફ પઠાણ અને ઝહિર બેટિંગ માં હતા એટલે થોડી વાર મેચ જોવા ત્યાં વાળંદ ની દુકાને ઉભા રહ્યા. અને પછી તો ભાઈ… યુસુફ ની ફટકાબાજી સાથે એવું લાગ્યું કે ભારત મેચ જીતી જશે મેં તો સંદીપભાઈ ને કહ્યું કે ભાઈ નાસિક જવાનું કેન્સલ રાખો અને મને મેચ જોવા’દો. પણ સંદીપભાઈ ના સદનસીબે યુસુફ આઉટ થઇ જતા અને બસ નો સમય પણ થઇ રહ્યો હતો એટલે છાણી જવા નીકળી ગયા જ્યાંથી અમારે બસ પકડવાની હતી.
૯-૯.૩૦ આજુબાજુ ખટારા બસ ઉપાડી એટલે પછી તો હું સુઈ ગયો છેલ્લી સીટ હોવાથી લાગતું હતું કે ઊંઘ નહિ આવે પણ ૨ દિવસ ના થાક ના કારણે તરત જ ઊંઘ આવી ગઈ પછી તો વચ્ચે ક્યારે અને કેટલી વખત બસ ઉભી રહી હતી તેનો તો કોઈ ખ્યાલ જ નહોતો રહ્યો. પણ આશરે ૩-૪ વાગ્યા આજુબાજુ જયારે આંખ ખુલી તો બસ એક પહાડ પર થી પસાર થઇ રહી હતી અને રાત્રી ના અંધકાર ને કારણે બરાબર દેખાતું તો નહોતું પણ વાહનો ની હેડ લાઈટ અને ત્યાના પહાડી વિસ્તારો ના ગામો ની થોડી લાઈટો ચાલુ હતી તેના કારણે અંધારું હોવા છતાં નઝારો અદભુત લાગતો હતો. ૫-૧૦ મિનીટ પછી ફરી ઊંઘી ગયો અને પછી તો સીધી સવાર પડી નાસિક માં અંદર પ્રવેશતા દ્વારકા ચોકડી(અંબાડ) પાસે સારું થયું ત્યારે આંખ ખુલી ગઈ નહીતર પછી શિરડી પહોચી સાઈબાબા ના દર્શન કરી પાછું આવવું પડે તેમ હતું.
બસ માંથી નીચે ઉતરતા ની સાથે જ નજર પડી ત્યાના એક સાઈન બોર્ડ પર શાહિદ કપૂર ની જે જાહેરાત હું રોજ અમારા રૂમ પર જતા જોઉં છું તે જ પણ ભાષા બદલાઈ ગઈ હતી. ગુજરાતી ની જગ્યાએ મરાઠી.
ત્યાં કુણાલ મને લેવા આવ્યો, હવે અમારે ત્યાની કંપનીએ આપેલા ફ્લેટ માં રેહવાનું હતું. કંપનીના પ્રોજેક્ટ માટે ત્યાની MIDC માં જવાનું હતું એટલે નાસિક માં ફરવાનો સમય નહોતો રહ્યો. ખાસ નવીન માં તો ૨૪ જાન્યુઆરી ના રોજ શિવસેના ના વડાબાળ ઠાકરે નો જન્મદિવસ હોવાથી ચારે બાજુ તેમને શુભેચ્છા પાઠવતા બેનરો દેખાતા હતા.

 

બેનર

અમારે ત્યાં જે કંપની માં પ્રોજેક્ટ માટે જવાનું હતું તેનું પણ સ્થળ ઘણું સરસ હતું એકદમ એક નાના પહાડ ની બાજુ માં, ત્યાં જતા બાઈક પર પાછળ બેસી પાડેલો.

 

From Backseat of Bike

કહેવાય છે ને દુનિયા ના દરેક ખૂણે ગુજરાતી પહોચી ગયા છે તેમ અહી અંબાડ માં પણ ઘણા બધા ગુજરાતી લોકો જોવા મળતા હતા. હા પણ ત્યાં અહી ની જેમ પાન ના ગલ્લા ખૂણે ખૂણે ના હતા પણ તેનું સ્થાન બીઅર બાર અને દારૂ નું દુકાનોએ લીધું હતું.

રોમાંચક મેચ:- ભારત-સાઉથ આફ્રિકા 2nd વન-ડે

with 10 comments

હવે ક્રિકેટ વર્લ્ડકપ આડે થોડા જ દિવસો રહ્યા છે અને ભારત-આફ્રિકા ની આ સીરીઝ પણ ખરેખર ભારતીય ટીમ કેટલી પાણી માં છે તે માપવા માટે જરૂરી છે. (બાકી પાણીમાં  બેસી જવા માટે તો ભારતીય ક્રિકેટ ટીમ માહિર છે’જ). એટલે તો વર્લ્ડકપ ની જાહેરાત માં પણ જયારે દરેક દેશ ના કેપ્ટન દોરી પર ચાલી રહ્યા હોય છે ત્યારે ભારત ના કેપ્તાન્વ ધોની ને નીચે પડી જતો બતાવે છે અને ફરી તે સાંભળી ને દોરી પર ચાલવાનું  શરૂ કરે છે. 😛 (એજ રીતે ભારત ની ટીમ ક્યારે પત્તા ના મહેલ ની માફક પડી ભાંગે તે કહી ના શકાય). આ પોસ્ટ એ ભારત ની ગઈકાલ ની મેચ નું પોસ્ટમોર્ટમ છે.

બસ કૈક આવુજ ગઈકાલ ની મેચ માં હતું, પ્રથમ તો સેહવાગ અને ગંભીર વિના એકદમ જ ભંગાર અને સામેવાળી ટીમનો કોન્ફીડંસ એકદમ ઉપર આવી જાય તેવી ઓપનીંગ શરૂઆત. છેલ્લા ઘણા સમય થી મુરલી વિજય નો દેખાવ કઈ ખાસ રહ્યો નથી ત્યારે રોબીન ઉથ્થપા ને તો ૧૫ ખેલાડી માં પણ સ્થાન અપાતા નથી અને મનીષ પાંડે જેવા બેટ્સમેન ને પણ નજર-અંદાજ કરે છે.

સોત્સોબે,સ્ટેન અને મોર્કલ જેવા ઝડપી બોલરો સામે ભારતીય બેટ્સમેનો રીતસર સંઘર્ષ કરી રહ્યા હતા, આતો સારું થયું કે યુવરાજ અને ધોની એ ડૂબતી નાવડી ને થોડી ઘણી સાંભળી અને ૧૯૦ જેટલા સ્કોર પર પહોચાડ્યું.આમતો એટલા નાના સ્કોર ના કરને મેચ માંથી રસ તો ઉડી જ ગયો હતો છતાં પીચ નો બોલર ને સારો સપોર્ટ હોવાથી આશા હતી કે અપના ઝહિર,મુનાફ,નેહરા કૈક ઉકાળે તો સારું.

આફ્રિકા ની બેટિંગ ની શરૂ શરૂ માં મુનાફ પટેલે વન-ડે માં સૌથી વધારે એવરેજ ધરાવતા હાશિમ અમલા ને પેવેલિયન ભેગા કરતા થોડી ટક્કર આપીશું તેવા અણસાર આપ્યા. અને ત્યાર બાદ ઇન્ગ્રામ,ડી વિલીયર્સ,ડુમીની સમયાંતરે આઉટ થતા એવું લાગતું હતું કે હજી ભારત પાસે તક છે મેચ જીતવા માટે જયારે સામેની બાજુ સ્ફોટક સ્મિથ ને એક પાર્ટનર ની જરૂર હતી જે તેને મિલર દ્વારા મળતા હવે ચિંતાજનક સ્થિતિ ભારતીય ટીમ તરફ આવી. અને ફરી સ્મિથ,મિલર અને બોથા ટૂંકા ગાળા માં આઉટ થતા નાટકીય રીતે રમત માં ભારત નું પલ્લું ભારે થયું અને હવે જ ખરાખરી નો જંગ ચાલુ થવાનો હતો.

સમય હતો બોલર ની કસોટી નો કેમ’કે ભારત નાં પૂંછડીયા ૪ બેટ્સમેન તો હંમેશા ફટાફટ પાછા આવી જતા હોય છે તો આજે તેમને આફ્રિકા ના આ ૪ બેટ્સમેનો ને ૨૭ રન પહેલા આઉટ કરવાના હતા ઓવર ઘણી બાકી હોવાથી થોડું એવું લાગતું હતું કે જીત અઘરી છે અને તેમાં પણ અંડર-૧૯ ટીમ ના કેપ્ટન રહી ચુકેલા પાર્નેલ ની ધીમી અને સાવધાની પૂર્વક ની રમત ભારત ને ભારે પડી રહી હતી. અને આફ્રિકા નો હાથ મેચ માં ઉપર હતો પણ મુરલી-યુવરાજ ના એક ખુબ સરસ રન-આઉટ થી ભારતની ટીમ માં ફરી આશા નું કિરણ ઉગ્યું અને સાથે ઝહિર ની એકદમ ધારદાર બોલિંગથી રન અને બોલ વચ્ચે નો ફરક ઘટતો જતો હતો પણ ભારતીય ટીમ નું મુખ્ય ધ્યેય વિકેટ જ હતું. અને એકદમ હૃદય ના ધબકારા ચૂકવી દે તેવી પળો માં અંતિમ ઓવર મુનાફ પટેલ ના ભાગે આવી, સાચું કહું તો મને તો મુનાફ પર સહેજ પણ ભરોસો નહોતો કે તે કૈક કરી બતાવશે. પણ ૪૨ મી ઓવર માં મોર્કલ આઉટ થયો અને હવે પાર્નેલ સ્ટ્રાઈક પર હતો અને રન તો વળી ૧ જ બાકી હતો. મને થયું કે “ના કરે નારાયણ અને કરે સત્યનારાયણ” જો એક સારો બોલ મુનાફ ફેકી દે તો પછીની ઓવર માં ઝહિર પણ સોત્સોબે ને આઉટ કરી શકે. પણ સત્યનારાયણે થોડી વધારે કૃપા કરી અને મુનાફ ની ઓવર ના અંતિમ બોલ પર પર યુવરાજે એક જબરદસ્ત કહી શકાય તેવો કેચ પકડી ને જબરદસ્ત થી પણ જબરદસ્ત કહી શકાય તેવી રોમાંચક જીત અપાવી.(ઘણા સમય પછી યુવરાજે કોઈ સારો કેચ પકડ્યો).

 

મેન ઓફ ધ મેચ:- મુનાફ પટેલ. (ફોટો:-ક્રિકઇન્ફો)

આ સાથેજ હવે સીરીઝ ૧ -૧ થી લેવલ થઇ ગઈ છે. શું લાગે છે તમને  આ વખતે વર્લ્ડકપ માટેની દાવેદાર ટીમ કઈ છે? તમારી ફેવરીટ ટીમ કઈ છે?
નોંધ:- ખરેખર હાર્ટ-એટેક ના દર્દીએ તો ભારત ની મેચ ના જોવી જોઈએ. 😉