માધવ મેજિક બ્લોગ

એક નાનકડો પ્રયાસ.

Posts Tagged ‘રમત

આવી ક્રિકેટ ની મોસમ

with 8 comments

મિત્રો થોડા સમય પહેલા મેં એક બ્લોગ દ્વારા આ રમત ની શરૂઆત કરી હતી(ભારત-આફ્રિકા), બ્લોગ ની શરૂઆત ના દિવસો માં પ્રતિભાવો પણ સારો હતો અને ૬-૭ મિત્રોએ તેમની ટીમ પણ મોકલાવેલી પણ પછી કોઈ કારણોસર તેમાં વધારે પોસ્ટ થઇ શકાતી નહતી તેનાથી ભારત-આફ્રિકા ની પછી ની મેચ નું પરિણામ નહોતો મૂકી શક્યો તો ત્યારે થયેલી તકલીફો બદલ ક્ષમા કરશો.
પણ હવે આ વખતે જયારે ક્રિકેટ વર્ડકપ એશિયા માં જ રમાઈ રહ્યો છે અને હવે તેના આડે ગણતરી ના દિવસો બાકી રહ્યા છે. ત્યારે મારા એક મિત્ર ને મેં આ રમત બાબતે વાત કરતા તેની સહાય થી આ ફેન્ટસી રમત ફરી થી ચાલુ કરી છે અને મને આશા છે કે આ રમત ક્રિકેટ પ્રેમીઓ ને ખુબ જ પસંદ આવશે.
તો આ રમત માં તમારે તમારી પોતાની ૧૫ ખેલાડી ની ટીમ બનાવવાની છે અને જે રીતે ખેલાડી રન બનાવશે, વિકેટ લેશે,કે પછી રન-આઉટ કે કેચ કરશે તેનાથી તમારા પોઈન્ટસ વધતા જશે બસ જેની ટીમ વધારે પોઈન્ટ્સ બનાવશે તેની ટીમ વિજેતા.
તો હવે કોની રાહ જોઈ રહ્યા છો? ચાલો ફટાફટ મુલાકાત લો આ બ્લોગ ની અને મોકલી આપો તમારી ટીમ અને કહી દો કે “Always Cricket First”


નોંધ: કોઈ ને આ રમત માં સ્વયંસેવક તરીકે સેવા આપવી હોય તો મને મેઈલ કરશો.(કામ માં તો કઈ ખાસ નથી સ્કોર અપડેટ અને થોડું મોડરેશન કરવાનું થાય.)

Advertisements

Written by Harshad / Madhav

ફેબ્રુવારી 10, 2011 at 6:55 એ એમ (am)

રોમાંચક મેચ:- ભારત-સાઉથ આફ્રિકા 2nd વન-ડે

with 10 comments

હવે ક્રિકેટ વર્લ્ડકપ આડે થોડા જ દિવસો રહ્યા છે અને ભારત-આફ્રિકા ની આ સીરીઝ પણ ખરેખર ભારતીય ટીમ કેટલી પાણી માં છે તે માપવા માટે જરૂરી છે. (બાકી પાણીમાં  બેસી જવા માટે તો ભારતીય ક્રિકેટ ટીમ માહિર છે’જ). એટલે તો વર્લ્ડકપ ની જાહેરાત માં પણ જયારે દરેક દેશ ના કેપ્ટન દોરી પર ચાલી રહ્યા હોય છે ત્યારે ભારત ના કેપ્તાન્વ ધોની ને નીચે પડી જતો બતાવે છે અને ફરી તે સાંભળી ને દોરી પર ચાલવાનું  શરૂ કરે છે. 😛 (એજ રીતે ભારત ની ટીમ ક્યારે પત્તા ના મહેલ ની માફક પડી ભાંગે તે કહી ના શકાય). આ પોસ્ટ એ ભારત ની ગઈકાલ ની મેચ નું પોસ્ટમોર્ટમ છે.

બસ કૈક આવુજ ગઈકાલ ની મેચ માં હતું, પ્રથમ તો સેહવાગ અને ગંભીર વિના એકદમ જ ભંગાર અને સામેવાળી ટીમનો કોન્ફીડંસ એકદમ ઉપર આવી જાય તેવી ઓપનીંગ શરૂઆત. છેલ્લા ઘણા સમય થી મુરલી વિજય નો દેખાવ કઈ ખાસ રહ્યો નથી ત્યારે રોબીન ઉથ્થપા ને તો ૧૫ ખેલાડી માં પણ સ્થાન અપાતા નથી અને મનીષ પાંડે જેવા બેટ્સમેન ને પણ નજર-અંદાજ કરે છે.

સોત્સોબે,સ્ટેન અને મોર્કલ જેવા ઝડપી બોલરો સામે ભારતીય બેટ્સમેનો રીતસર સંઘર્ષ કરી રહ્યા હતા, આતો સારું થયું કે યુવરાજ અને ધોની એ ડૂબતી નાવડી ને થોડી ઘણી સાંભળી અને ૧૯૦ જેટલા સ્કોર પર પહોચાડ્યું.આમતો એટલા નાના સ્કોર ના કરને મેચ માંથી રસ તો ઉડી જ ગયો હતો છતાં પીચ નો બોલર ને સારો સપોર્ટ હોવાથી આશા હતી કે અપના ઝહિર,મુનાફ,નેહરા કૈક ઉકાળે તો સારું.

આફ્રિકા ની બેટિંગ ની શરૂ શરૂ માં મુનાફ પટેલે વન-ડે માં સૌથી વધારે એવરેજ ધરાવતા હાશિમ અમલા ને પેવેલિયન ભેગા કરતા થોડી ટક્કર આપીશું તેવા અણસાર આપ્યા. અને ત્યાર બાદ ઇન્ગ્રામ,ડી વિલીયર્સ,ડુમીની સમયાંતરે આઉટ થતા એવું લાગતું હતું કે હજી ભારત પાસે તક છે મેચ જીતવા માટે જયારે સામેની બાજુ સ્ફોટક સ્મિથ ને એક પાર્ટનર ની જરૂર હતી જે તેને મિલર દ્વારા મળતા હવે ચિંતાજનક સ્થિતિ ભારતીય ટીમ તરફ આવી. અને ફરી સ્મિથ,મિલર અને બોથા ટૂંકા ગાળા માં આઉટ થતા નાટકીય રીતે રમત માં ભારત નું પલ્લું ભારે થયું અને હવે જ ખરાખરી નો જંગ ચાલુ થવાનો હતો.

સમય હતો બોલર ની કસોટી નો કેમ’કે ભારત નાં પૂંછડીયા ૪ બેટ્સમેન તો હંમેશા ફટાફટ પાછા આવી જતા હોય છે તો આજે તેમને આફ્રિકા ના આ ૪ બેટ્સમેનો ને ૨૭ રન પહેલા આઉટ કરવાના હતા ઓવર ઘણી બાકી હોવાથી થોડું એવું લાગતું હતું કે જીત અઘરી છે અને તેમાં પણ અંડર-૧૯ ટીમ ના કેપ્ટન રહી ચુકેલા પાર્નેલ ની ધીમી અને સાવધાની પૂર્વક ની રમત ભારત ને ભારે પડી રહી હતી. અને આફ્રિકા નો હાથ મેચ માં ઉપર હતો પણ મુરલી-યુવરાજ ના એક ખુબ સરસ રન-આઉટ થી ભારતની ટીમ માં ફરી આશા નું કિરણ ઉગ્યું અને સાથે ઝહિર ની એકદમ ધારદાર બોલિંગથી રન અને બોલ વચ્ચે નો ફરક ઘટતો જતો હતો પણ ભારતીય ટીમ નું મુખ્ય ધ્યેય વિકેટ જ હતું. અને એકદમ હૃદય ના ધબકારા ચૂકવી દે તેવી પળો માં અંતિમ ઓવર મુનાફ પટેલ ના ભાગે આવી, સાચું કહું તો મને તો મુનાફ પર સહેજ પણ ભરોસો નહોતો કે તે કૈક કરી બતાવશે. પણ ૪૨ મી ઓવર માં મોર્કલ આઉટ થયો અને હવે પાર્નેલ સ્ટ્રાઈક પર હતો અને રન તો વળી ૧ જ બાકી હતો. મને થયું કે “ના કરે નારાયણ અને કરે સત્યનારાયણ” જો એક સારો બોલ મુનાફ ફેકી દે તો પછીની ઓવર માં ઝહિર પણ સોત્સોબે ને આઉટ કરી શકે. પણ સત્યનારાયણે થોડી વધારે કૃપા કરી અને મુનાફ ની ઓવર ના અંતિમ બોલ પર પર યુવરાજે એક જબરદસ્ત કહી શકાય તેવો કેચ પકડી ને જબરદસ્ત થી પણ જબરદસ્ત કહી શકાય તેવી રોમાંચક જીત અપાવી.(ઘણા સમય પછી યુવરાજે કોઈ સારો કેચ પકડ્યો).

 

મેન ઓફ ધ મેચ:- મુનાફ પટેલ. (ફોટો:-ક્રિકઇન્ફો)

આ સાથેજ હવે સીરીઝ ૧ -૧ થી લેવલ થઇ ગઈ છે. શું લાગે છે તમને  આ વખતે વર્લ્ડકપ માટેની દાવેદાર ટીમ કઈ છે? તમારી ફેવરીટ ટીમ કઈ છે?
નોંધ:- ખરેખર હાર્ટ-એટેક ના દર્દીએ તો ભારત ની મેચ ના જોવી જોઈએ. 😉

બ્લોગ પર ક્રિકેટ

with 2 comments

ક્રિકેટ રસિક મિત્રો માટે એક ખુબ જ મજા પડે તેવી રમત છે.
વધારે મુલાકાત માટે ક્લિક કરો.

તો મિત્રો થઇ જાવ તૈયાર મોકલો તમારી ટીમ અને ચાલો શરુ કરીએ બ્લોગ-ક્રિકેટ.

મિત્રો, 2જી ટેસ્ટ મેચ પૂરી થયા પછી ના પોઈન્ટ્સ અપડેટ થઇ ગયા છે. તમે તમારી ટીમ 3જી ટેસ્ટ માટે આપી શકો છો.
.

-માધવ

Written by Harshad / Madhav

ડિસેમ્બર 19, 2010 at 2:06 પી એમ(pm)